Prexy ng homeowners itinumba

MANILA, Philippines - Napaslang ang presidente ng homeowners association makaraang pagbabarilin ng dalawang nakamotorsiklo sa bisinidad ng Purok 13, Brgy. Sueza sa General Santos City, South Cotabato kamakalawa. Nasawi habang ginagamot sa La Bella Hospital si Lito Alquizar, 58, pangulo ng Alquizar Homeowners Association sa Barangay Apopong. Batay sa police report, natiyempuhan ang biktima na nakatayo at isinagawa ang pamamaslang.