Anim na tama ng bala ng baril ang tumapos sa buhay ng mag-asawang sina Nestor, 48 at Evelyn Bicatulo, 38, na kapwa naninirahan sa bahagi ng Carfbon site sa Barangay Lamao ng bayang nabanggit.
Sa ulat ng homicide section na isinumite kay P/Sr. Supt. Hernando Zafra, Bataan provincial director, papauwi na ang mag-asawa habang magkaangkas sa motorsiklo (RF-6222) mula sa palengke ng Limay nang dikitan ng mga suspek na lulan din ng motorsiklo.
Hindi na pinaporma pa ng mga suspek ang mag-asawang trader at inupakan hanggang sa kapwa duguang bumulagta sa kahabaan ng nabanggit na highway.
May teorya ang pulisya na may kaugnayan sa negosyo ng mag-asawa ang isa sa motibo ng krimen dahil walang tinangay ang mga killer na anumang gamit at halaga mula sa mga biktima.