2 suspek sa karnap tiklo

BULACAN — Nadakma ng mga tauhan ng pulisya ang magka live-in partner makaraang maaktuhang kinakarnap ang nakaparadang motorsiklo sa paradahan ng Bulacan Provincial Hospital sa Barangay Guinhawa, Malolos City, Bulacan kamakalawa ng hapon.

Kasalukuyang naghihimas ng rehas na bakal ang mga suspek na sina: Renato Federico, 31, ng Brgy. Longos, Malabon at Irene Arceo, 28, ng Brgy. Tugatog, Malolos City, Bulacan. Base sa ulat ng pulisya, ang mga suspek ay responsable pagkawala ng ilang motorsiklo at traysikel sa naturang lugar. (Ulat ni Efren Alcantara)