NPA lider huli sa checkpoint

Bumagsak sa tropa ng militar ang isang mataas na lider ng rebeldeng New People’s Army (NPA) matapos ang isinagawang checkpoint sa Carrangalan, Nueva Ecija nitong Biyernes.

Ang nabitag na opisyal ng mga rebelde ay nakilalang si Hernando Maniful alyas Commander Pugut, Guerilla Unit Commander ng Samahang Yunit Pampropaganda (SYP) ng Nueva Ecija Party Committee.

Batay sa report na nakarating sa Camp Aguinaldo, bandang alas-4:30 ng hapon nang masakote si Maniful habang lulan ng kanyang sasakyan sa military checkpoint ng Army’s 54th Infantry Battalion sa kahabaan ng Brgy. Digdig, sa nabanggit na bayan. (Ulat ni Joy Cantos)