Kinilala ang nasawing mag-asawa na sina Hermogenes, 52 at Carina Langcay, 55. Ang isa pang nasawi ay nakilalang si Mila Robles, 19, estudyante.
Nakilala naman ang nasa kritikal na kondisyon na si Antonio Pamittan, 18, na kasalukuyang nasa People’s Emergency Hospital.
Sa ulat na nakarating kahapon sa Camp Crame, bandang alas-9:30 ng gabi nang maganap ang krimen sa kahabaan ng highway ng Brgy. Caritan Centro, Tuguegarao City.
Sa pagsisiyasat, ang mga biktima ay kasalukuyang lulan ng tricycle na minamaneho ni Hermogenes at pagsapit sa tapat ng gate ng North Central School Gate ay bigla na lamang pinagbabaril ng di pa nakilalang gunman.
Hindi pa mabatid ng mga awtoridad kung ano ang motibo ng krimen na pinaniniwalaang hired killers ng isa sa mahigpit nitong kalaban sa negosyo. (Ulat ni Joy Cantos)