Nakilala ang biktima na si Jessie Postero, 51.
Ayon kay Lt. Col. Fredesvindo Covarrubias, ng Military Civil Relation Group for Mindanao na ang biktima ay lulan ng isang pampasaherong sasakyan na nagbuhat sa Ozamis City patungong Pagadian ng ito ay likidahin.
Binanggit pa sa ulat na ang nag-iisang suspect ay katabi ng biktima sa loob ng sasakyan at pagsapit nga sa nabanggit na lugar ay biglang nagbunot ng baril at malapitang pinaputukan ang biktima.
Ayon sa ulat namatay noon din ang biktima, habang ang suspect naman ay parang walang nangyaring bumaba ng sasakyan at saka kaswal na naglakad matapos ang isinagawang krimen.
Hindi pa matiyak ang motibo sa naganap na pagpaslang. (Ulat ni Roel Pareño)