19 motor at sasakyang kinarnap, narekober - QCPD
3 carnapping syndicates nalansag
MANILA, Philippines — Iniulat kahapon ng Quezon City Police District ang nasa 19 na sasakyan at mga motorsiklong narekober nito sa pinaigting na anti-canapping operations sa lungsod.
Ayon kay QCPD Chief PBGen. Red Maranan, karamihan sa mga ito ay biktima ng rent-tangay modus.
Sa pangunguna ng District Anti-Carnapping Unit (DACU) ay tatlong carnappjng syndicates rin ang nalansag ng QCPD kabilang ang Casiano Group, Jasareno Group at Mamac Group habang nabawi ang 5 sedan, 6 na SUV, 1 pick up at 7 motorsiklo at lumilitaw na karamihan ay biktima ng rent-tangay modus.
Nag-ugat ang operasyon sa aniya’y naging magkakasunod na kaso ng mga rent-tangay modus sa Quezon City.
Ayon kay QCPD Chief PBGen. Maranan, sa ilalim ng modus na ito ay kadalasang nagpapanggap na customer ang mga suspek at nagpiprisinta ng mga pekeng dokumento para rentahan ang sasakyan na kalaunan ay tatangayin na.
Ilan pa nga sa mga narekober na sasakyan ang ‘tampered’ na at muntikan nang maibenta.
Muling nagpaalala si PBGen. Maranan sa mga nagnenegosyo ng car rental na maging metikuloso sa mga katransaksyon nang hindi mabiktima ng naturang modus.
Tiyakin din aniyang may mga tracking device ang sasakyan para agad itong matunton kahit na matangay.
- Latest