Smugglers at hoarders, isumbong!
Pangulong Marcos sa publiko
MANILA, Philippines — Nanawagan si Pangulong Ferdinand R. Marcos Jr. sa mga mamamayan ng Capiz na tulungan ang pamahalaan na pangalagaan at bantayan ang local market mula sa smugglers at hoarders, na patuloy na nagmamanipula sa presyo ng agricultural goods.
Binigyang diin ni Pangulong Marcos ang pangangailangan para sa pakikipagtulungan ng publiko at hinikayat ang mga ito na mag-report ng mga maanomalyang transaksyon.
“Mga kababayan, gaano man kalaki ang kanilang sindikato—tulad ng natimbog natin na smuggler sa pier ng Zamboanga noong buwan ng Agosto—wala pong [binatbat] iyan sa nagkakaisa nating lakas,” ayon sa Punong Ehekutibo.
“Kaya kung may nalalaman po kayong sangkot sa mga ganitong transaksyon, huwag po kayong matakot na magsuplong,” dagdag na pahayag nito.
Tiniyak din ng Pangulo na ang kanyang administrasyon ay handang makipagtulungan sa mga mambabatas para amyendahan ang Republic Act No. 10845, o Anti-Agricultural Smuggling Act of 2016, at magpataw ng matinding parusa sa mga salarin at kanilang kasabwat.
- Latest
