Lover ni misis, tigok sa mister na pulis
MANILA, Philippines — Dead on the spot ang 51-anyos na lalaki matapos barilin ng isang pulis nang mahuling nasa ibabaw ng kanyang misis sa loob ng isang kubo sa Brgy. Camagong, Cabusao, Camarines Sur kamakalawa ng madaling araw.
Kinilala ang nasawi na si Arlando Minsalan Sugay, balo, magsasaka at residente ng naturang lugar.
Sumuko naman ang hindi pinangalanang suspek na nakatalaga sa Ragay Municipal Police Station.
Sa ulat na nakarating sa Camp Gen. Simeon Ola, ala-1:54 ng madaling araw dahil sa malaking pagdududa na may ginagawang kababalaghan ang misis ay pinuntahan ng 43-anyos na pulis ang bahay ni Sugay.
Nagulat ang suspek nang pasukin ang kubo at nakita na nasa ibabaw ng kanyang asawa ang biktima.
Dahil sa matinding galit ay binunot ng pulis ang kanyang baril at pinutukan ang lover ng misis na agarang nasawi.
Hindi naman nito sinaktan ang kanyang 42-anyos na misis.
- Latest
