Ecowaste sa mga kumandidato: Maging responsible sa campaign materials
MANILA, Philippines — Nanawagan ang environmental group na Ecowaste coalition sa lahat ng kumandidato na nanalo man o natalo na maging responsable sa kanilang mga ginamit na campaign materials.
Dapat sana ay magkanya-kanyang tanggal ang mga kandidato ng kanilang mga campaign materials at umisip ng paraan kung paano ito mapapakinabangan pa sa pagre-recycle.
Maaari anilang ma-recycle ang mga campaign materials sa pamamagitan ng paggawa mula dito ng bag na lalagyan ng mga gulay at isda sa pamamalengke at maaari ring magamit na mantel sa upuan at lamesa.
Ang tambak na basura na iniwan ng nagdaang halalan ay malaking hamon sa mga kandidato para makipagtulungan sa pamahalaan na malinis ang kapaligiran.
Dapat umanong isaisip ng mga kandidato ang kanilang responsibilidad sa nakalipas na halalan.
- Latest
