AstraZeneca epektib pa rin Kontra South African variant
Ayon sa WHO...
MANILA, Philippines — Epektibo di umano ang AstraZeneca COVID-19 vaccine kontra sa South African variant ng COVID-19 sa kabila ng ilang pag-aaral na maliit lamang ang bisa nito laban sa naturang mutation ng virus.
Ito ang inihayag kahapon ni World Health Organization (WHO) Country Representative Rabindra Abeyasinghe kahit sinabi ng OCTA Research Group na lumalabas sa pag-aaral mula sa 70% efficacy ay bumaba ito sa 10% efficacy.
Ayon kay Abeyasinghe, napakaliit na sample lamang ang ginamit sa pag-aaral makaraan nilang suriin ang naturang resulta.
“The study that was used in South Africa was a very limited scale study. And what it showed was that there was evidence of mild and moderate disease,” ayon kay Abeyasinghe sa pag-aaral na gumamit lamang umano ng 2,000 test sample sa South Africa.
“And so, we still believe and WHO released a statement saying, we still believe that the AstraZeneca vaccine is effective, even in places where you have a large proportion of cases which could be attributed to the B1351 variant or the South African variant,” giit niya.
- Latest
