Sunog sa pagsalubong sa 2021 bumaba

MANILA, Philippines — Umabot lamang sa 29 kaso ang naitalang fire incidents sa bansa sa pagsalubong ng Bagong Taon.

Ayon sa Bureau of Fire Protection (BFP) ang insidente ng sunog nitong New Year’s Eve celebrations ay naitala mula 12 midnight ng December 31 hanggang alas-6 ng umaga ng January 1.

Ang 29 fire incidents ay mas mababa sa 144 fire incidents na naitala ng BFP sa pagsalubong sa Bagong Taon noong 2020.

Sa Metro Manila ay umabot lamang sa 11 ang nangyaring sunog sa na­sabing sunog na kung saan ay lima ang structu­ral; tatlo ang residential; at anim ang non-structural.

Ayon sa BFP-NCR, wala namang naitalang nasawi gayundin, wala ring naitala na firecracker o fireworks fire related sa buong magdamag.