Face-to-face classes ikakasa sa Enero
Sa piling eskuwelahan lang…
MANILA, Philippines — Tanging piling eskuwelahan sa mga lugar na nasa low-risk o mga lugar na mababa ang kaso ng COVID-19 ang magdaraos ng face-to-face classes mula Enero 11 hanggang 23, 2021.
Ayon kay Presidential spokesperson Harry Roque, ang dry run ay imo-monitor ng Department of Education (DepEd) at COVID-19 National Task Force.
Ang huling linggo naman ng Enero ay ilalaan sa pagsusumite ng reports hinggil sa kinalabasan ng pilot face-to-face classes at ebalwasyon para sa huling rekomendasyon kay Pangulong Rodrigo Duterte.
Batay sa timeline na ibinigay ng DepEd, ang regional directors ay kailangan na magsumite kay Education Secretary Leonor Briones ng listahan ng mga “nominated schools on or before December 18.”
Pipili ang kalihim ng eskwelahan na isasailalim sa face-to-face classes sa Disyembrer 28, na susundan ng orientation, mobilization at readiness confirmation ng mga mapipiling eskuwelahan.
Sinabi ng Kalihim na may ilang rural areas ang nagpahayag ng interes sa pagsasagawa ng face-to-face classes.
Nauna rito, inaprubahan ni Pangulong Rodrigo Roa Duterte ang pagsasagawa ng pilot implementation ng face-to-face classes sa ilang piling eskuwelahan sa low-risk areas.
- Latest
