64% ng mga Pinoy, sumusunod sa social distancing - SWS
MANILA, Philippines — Ayon sa poll ng Social Weather Stations (SWS) na inilabas kahapon na tinatayang nasa 64 na porsyento ng mga Pinoy ang sumusunod sa social distancing sa gitna ng COVID-19 pandemic.
Isinagawa ang SWS survey, nitong Mayo 4-10 sa pamamagitan ng mobile phone poll kung saan 4,010 respondents na edad 15 pataas ang nakiisa, ipinakita rin na 19% na porsyento ng mga Filipino ang sumusunod sa social distancing sa lahat ng pagkakataon habang 9 na porsyento naman ang paminsan-minsang sumusunod sa physical distancing.
Ipinapakita rin na 6 na porsyento ng mga Pinoy ang bihira sumunod sa social distancing habang 0.5 na porsyento naman ang hindi sumusunod rito.
Naitala sa Visayas na 69 na porsyento ang may pinakamaraming sumusunod sa social distancing; sinundan ito ng National Capital Region sa 67 na porsyento habang 64 na porsyento naman ang sa Mindanao. Pinakamamaba ang naitala sa Balance Luzon sa 60 na porsyento.
- Latest