‘P5k-P8k buong matatanggap ng mga benepisyaryo’- DSWD
MANILA, Philippines — Nilinaw ng Department of Social Welfare and Development (DSWD) na buong cash na P5,0000 hanggang P8,000 ang matatanggap ng mga benepisyaryo ng social amelioration program ng pamahalaan.
Ito ang nilinaw ni DSWD Secretary Rolando Bautista sa harap na rin ng agam-agam at pagtatanong ng marami kung pinaghalong cash at in-kind ang matatanggap ng mga benepisyaryo ng programa ng pamahalaan.
“In cash na ang matatanggap nila para makumpleto yung designated amount sa kanilang region. Hindi na ito magi-ging combination ng food packs at cash amount. Ibig sabihin, kung bibigyan sila ng tatlong package ng food packs which cost more than P1,000, hindi ito ibabawas sa designated amount per region,” paliwanag ni Bautista.
Sa ilalim ng Bayanihan to Heal as One Act, may 18 milyong low-income families ang makikinabang sa cash assistance program ng pamahalaan.
Ang halagang ibibigay sa benepisyaryo ay depende sa minimum wage ng kanilang respective regions.
Kasama sa mga benepisyaryo ng progra-ma ang informal sector workers na naapektuhan ang hanapbuhay at hindi makapag trabaho dahil sa umiiral na enhanced community quarantine dulot ng epekto ng COVID-19.
- Latest