4 Chinese inaresto sa tangkang pagdukot sa Pinay
MANILA, Philippines — Apat na Chinese na kinilalang sina Weird She, 28; Well In Bei, 25; Xiaohui Sun, 22 at So Chen, 26, pawang mga nanunuluyan sa Central Park Condominium, Pasay City ang inaresto ng mga barangay tanod dahil sa tangkang pagdukot sa isang Pinay na si Gella Maniti, 18 noong Biyernes ng gabi sa Makati City.
Ayon kay Maniti, tinangka siyang dukutin ng mga suspek malapit sa kaniyang tinutuluyang bahay sa may Einstein Street, Brgy. San Isidro, Makati City, alas-10:00 ng gabi.
Sa salaysay ng mga barangay tanod ng naturang barangay, isinasara nila ang gate sa may Marconi Street nang makita ang komosyon at rumesponde ngunit nagtatakbo ang anim na suspek.
Dito nila napag-alaman ang tangkang pagdukot kay Maniti ng mga suspek makaraang bumaba ang biktima sa sinakyang taksi. Hinabol ng mga tanod ang mga tumatakas na suspek na nagresulta sa pagkakadakip sa apat sa kanila habang nakatakas ang dalawa pa.
- Latest
