Bagitong pulis dedo sa bangga
MANILA, Philippines — Dead on the spot ang isang bagitong pulis matapos malasog ang katawan nito nang tumama sa concrete barrier sa pagsalpok ng minamanehong motorsiklo sa kahabaan ng Rizal St., Old Albay District, Legazpi City, Albay, kahapon.
Ang nasawi ay kinilalang si Patrolman John Patrick Cano, 23, residente ng Purok-1, Brgy. Kiwalo, Daraga.
Sa ulat, bago nangyari ang aksidente, alas-4:00 ng madaling araw ay minamaneho ng biktima ang kanyang motorsiklo (6957-EZ) at mabilis na binabaybay ang kalsada mula sa bayan ng Daraga patungong Albay District.
Pagdating sa palikong bahagi ay nawalan ito nang kontrol sa manibela kaya napunta ang motorsiklo sa kabilang linya at sumampa sa gutter ng kalsada saka malakas na humataw sa concrete barrier.
Sa lakas nang pagkakasalpok ay duguang humandusay sa tabi ng kalsada at agad namatay.
- Latest
