2 drug pusher utas sa buy-bust

MANILA, Philippines — Napatay ng mga otoridad ang dalawang lalaki na umano ay sangkot sa illegal drugs matapos na manlaban sa isinagawang drug buy operations sa magkahiwalay na lugar sa Makati City at San Mateo, Rizal.

Inaalam pa ng Makati City police ang tunay na pagkakakilanlan ng suspek na kinilalang si alyas August.

Sa ulat, bago nangyari ang shootout dakong ala-1:30 ng madaling araw sa E. Jacinto Street, JP Rizal Avenue, Brgy. West Rembo ay nakahalata ang suspek sa pag-abot nito na isang pakete ng shabu ay pulis ang ka-transaksiyon kaya’t nang akmang bubunot ng baril ay inunahan na siya ng mga nakatagong pulis at napatay.

Sa San Mateo, Rizal ay napatay rin ang drug suspect na si Eduardo De Belen, alyas ‘Eddie Bulate’, 59, truck driver ng Sitio Ibayo, Dulong Bayan 1 nang ito ay nanlaban din umano sa buy-bust operation kamakalawa ng alas-3:15 ng hapon.