Trader na naging biktima ng kidnapping, itinumba
MANILA, Philippines — Pinagbabaril ang isang negosyante na dating naging biktima ng kidnap for ransom (KFR) gang ng hindi pa nakilalang gunman kamakalawa ng gabi sa kahabaan ng Maharlika Highway, Brgy. Mangilag Sur, Candelaria, Quezon.
Ang biktima na namatay habang nilalapatan ng lunas sa ospital ay kinilalang si Ronaldo de Guzman Arguelles, 41, ng Cristina Village, Brgy. Mangilag Sur, Candelaria, Quezon.
Batay sa ulat ng pulisya, bago nangyari ang krimen dakong alas-7:30 ng gabi sa nasabing lugar ay kasalukuyang nakatayo sa tabing kalsada si Arguelles nang sumulpot ang nag-iisang salarin at walang kaabog-abog na pagbabarilin saka mabilis na tumakas.
Nabatid na ang biktima ay kinidnap noong Abril 2018 kung saan napatay sa rescue operation ang limang kidnaper kabilang ang apat na tiwaling pulis at isang babaeng pulis na kabilang sa rescuer ng negosyante sa shootout sa San Pablo City, Laguna.
- Latest
