22-anyos tinuruan ang 7-anyos na mag-shabu inaresto

MANILA, Philippines - Isang 22-anyos na binata ang inaresto ma­tapos turuan nitong su­minghot ng shabu ang isang 7-anyos na batang lalaki na kapitbahay nito kamakalawa sa Caloocan City.

Ang suspek na naka­kulong sa Caloocan City Police detention cell na nahaharap sa kasong child abuse ay nakilalang si Alvin Bejerano, 22, na­katira sa Salmon St., ng lungsod.

Batay sa salaysay ng biktima sa mga kagawad ng Caloocan City Police naganap ang insidente dakong alas-5:30 ng hapon habang siya ay magtatapon ng patay na daga ay tinawag siya ng suspek.

Niyaya ang biktima na suminghot ng shabu, subalit tumanggi ang bata at tumakbo ito papalayo.

Ngunit, hinabol pa rin ng suspek ang bata at hinila sa may sulok at tinuruan at pinasinghot ng shabu.

Kinagabihan ay hindi makakain at makatulog ang biktima at nang usi­sain ng mga magulang ay sinabi ang ginawa nila ng suspek kaya’t pinaaresto nila ito sa mga otoridad.

Nabatid pa na ikatlong beses nang pinag-shabu ng suspek ang biktima.