Truck ng softdrinks niratrat: 2 todas, 1 sugatan
MANILA, Philippines - Namatay ang dalawang katao habang isa ang grabeng nasugatan matapos na pagbabarilin ng mga hindi pa kilalang mga suspek ang isang truck ng softdrinks kamakalawa ng hapon sa bayan ng Sirawai, Zamboanga del Norte.
Namatay noon din sina Conrado Ricohermoso, ng Siocon, Zamboanga del Norte at ang salesman na si Joy Estrada. Habang nasugatan at kritikal sa Siocon Medical Hospital si Alvin Lumonah, pahinante ng trak.
Batay sa ulat, bandang alas-3:14 ng hapon ay buÂmabagtas sa highway ng nasabing lugar ang delivery truck (JBP 444) na puno ng kargang produkto ng Coca-Cola na pag-aari ni Constantino Soriano galing Sirawai at patungong Siocon nang paulanan ng bala ng mga armadong suspek.
Mabilis na tumakas patungo sa hindi pa malamang destinasyon matapos ang pamamaril sa delivery truck.
Pinaniniwalaan namang extortion ang motibo ng karahasan habang patuloy ang imbestigasyon sa kaÂsong ito.
- Latest
