Heavy Bombers lusot sa Altas sa OT

MANILA, Philippines — Nangailangan ng extra period ang Jose Rizal Uni­versity upang pasa­bugin ang University of Perpetual Help System DALTA, 72-70, sa NCAA Season 102 men’s basketball tournament kahapon sa Playtime FilOil sa San Juan City.

Isinalba ng clutch basket ni Allan Laurena­ria ang Heavy Bombers upang itakas ang mahirap na panalo at upuan ang solo top spot sa Group A bitbit ang 7-2 baraha.

Nagtala si Laurenaria ng 20 points, anim na re­bounds, apat na steals at tatlong assists para akbayan ang Kalentong-based squad at ipalasap sa Altas ang pang-pitong talo sa siyam na laro.

Nagtabla ang ang Jose Rizal at Perpetual sa third quarter, 47-47, hanggang mauwi sa overtime ang bakbakan ng dalawa.

Sa extra period isinalpak ni Laurena­ria ang game-winning basket para ilusot ang Heavy Bombers sa Altas.

Sa unang laro, huma­kot si Denzil Walker ng 21 points, pitong rebounds, apat na assists at dalawang steals para gabayan ang Letran Knights sa 83-72 pagtusok sa St. Benilde Blazers.

Sinolo ng Knights ang liderato sa Group B ta­ngan ang 6-3 record.