Kianna Dy sinet-up ang dunk ni Dwight Ramos

MANILA, Philippines — Pinagsamang basketball at volleyball ang ibinida ng mga rumored partners na sina Dwight Ramos at Kim Kianna Dy.

Sa Instagram post ng ABS-CBN Sports, ipinamalas ng dalawang atleta ang kani-kanilang specialty sports para ipakita ang kakaibang dunk.

Hinagis ng pataas ng Ateneo Blue Eagles gunner ang bola at sinet naman ito ng F2 Logistics Cargo Movers hitter patungo kay Ramos na kanyang idinakdak.

Matapos ang successful na dunk ay naghawak kamay ang dalawa.

Simpleng “KKDwight” ang caption ng Sports Page sa 15-se-conds video na mahigit 18K na ang views at halos 3k likes as of writing.

Kamakailan lang ay nag-post ng isang litrato si Dy kasama ang isang kaibigan at si Ramos na may caption na “bffs” at nagpaisip sa marami kung sila nga ba o hindi.

Marami ang nag-akalang nakamove-on na si Dy sa kanilang break-up ng kapwa niya volleyball star na si Marck Espejo nang lumutang ang usap-usapang may ‘something na sila ni Ramos.