Paano ang PBA senior class?

Kung ano man ang mga concerns sa napipintong balik laro ng NBA ay delicate issues din sa PBA.

Kasama sa usapin sa NBA ang guidelines na may restriction sa mga may edad na team staffers na makasama sa muling pagbabalik laro sa Orlando, Florida.

Eh paano ang maraming may edad na assistant coaches at tatlong head coaches sa katauhan nina Mike D’Antoni (69 years old), Alvin Gentry (65) at Gregg Popovich (71).

Malamang na maging usapin din ito sa PBA dahil maraming “senior citizens” sa mga PBA coaches, kasama ang mga multi-titled mentors na sina Tim Cone (62), Norman Black (62), Leo Austria (62) at Yeng Guiao (61).

Kasama sa seniors sina assistant coaches Biboy Ravanes (San Miguel), Itoy Esguerra (Magnolia), Adonis Tierra (NLEX) at marami pang iba.

Wala naman dudang maganda ang kalusugan ng mga taong ito na pawang mga dating atleta at manlalaro, at nananatiling health buffs.

Ang tanong ay ano ang restrictions na ipapatupad ng gobyerno kung sakaling payagan na nila ang unti-unting balik-ensayo ng mga PBA ball clubs.

Ang siste kasi ay may quarantine situations na strict ang restrictions para sa mga seniors at minors.

“The health and safety of all NBA coaches is our main concern. However, we are also concerned with a coach’s opportunity to work and to not have their ability to secure future jobs be severely jeopardized,” ayon sa statement ng NBA coaches association.