Beermen positibo sa tsansa sa quarters
Kaagad pinawi ni San Miguel coach Leo Austria ang pangamba ng marami na masama ang tamang sinapit ni import Dez Wells sa pagkakatapilok sa second quarter ng kanilang laban kontra Meralco noong nakaraang gabi.
Paliwanag ni Austria na sinadya nilang hindi na ibalik si Wells sa second half upang hindi na lumala pa ang “minor sprain” na sinapit at maging handa sa crucial stretch ng kanilang kampanya sa PBA Governor’s Cup eliminations.
Nakabalik naman si Wells sa second quarter matapos ang maikling pamamahinga pagkatapos ng kanyang tapilok.
Umiskor pa nga siya ng five points.
Ani Austria, kung malalim ang extent ng injury ni Wells ay hindi na niya magagawa ang bagay na iyon.
At kahit na masamang 99-125 ang talong inabot ng mga Beermen, nananatiling positibo si Austria lalo na at mahaba ang kanilang preparasyon para sa homestretch ng elims kung saan haharapin nila ang Blackwater, Rain or Shine at TNT KaTropa.
Kailangan nilang maka-recover sa two-game slump upang mag-contend sa Top Four na siyang tatangan ng ‘twice-to-beat’ advantage sa quarterfinals.
Dahil sa back-to-back losses sa NorthPort at Meralco, dumausdos sa fifth place ang SMB (5-3) sa likuran ng TNT KaTropa (7-1), NLEX (6-1), Meralco (5-2) at Barangay Ginebra (4-2).
At tunay na mukhang maraming bagay na dapat ayusin ang SMB kung patuloy na hahabol sa kanilang mithiing Grand Slam.
*****
Ang mangangailangan ng medyo matagal na pahinga ay si Jayson Castro kaya’t lumabo ang tsansang makita ang kanyang balik-Gilas sa paparating na SEA Games.
Kung wala si Castro, ang maiiwang magtitimon sa Gilas backcourt ay sina LA Tenorio, Stanley Pringle at Chris Ross.
- Latest