Kampi si Pacquiao kay Spence laban kay Porter
MANILA, Philippines – Naniniwala si Filipino eight-division world champion Manny Pacquiao na mananalo si Errol Spence laban kay Shawn Porter sa kanilang unification bout bukas sa Staples Center sa Los Angeles, California.
Ito ang prediksyon ni Pacquiao na siyang kakalaban sa mananalo sa pagitan nina Spence at Porter sa kanyang susunod na laban sa Enero.
“It’s going to be a good fight, a close fight but I think Spence will win. It’s not gonna be a one-sided fight, it’s gonna be a competitive fight,” ani Pacquiao sa panayam ng World Boxing News.
Hawak ni Spence ang International Boxing Fe-deration (IBF) welterweight crown habang si Porter naman ang nagmamay-ari ng World Boxing Council (WBC) welterweight belt.
Parehong world champion sina Spence at Porter kaya’t inaasahan na ni Pacquiao na magiging mainit ang bakbakan ng dalawang pinakamahuhusay na boksingero sa naturang dibisyon.
“The fans will be treated to a once-in-a-lifetime experience in this fight,” dagdag ni Pacquiao.
Kumbinsido naman si Spence na makukuha nito ang panalo para makaharap si Pacquiao.
Mataas ang morale ni Spence na tinukoy ang kanyang sarili bilang best fighter sa welterweight division.
“I think I am the best fighter in the welterweight division and in boxing. This is my time to prove it. Timing is everything. I’m going to get the fights that I need to prove I am the best in the world,” ani Spence.
Matagal nang pangarap ni Spence na makalaban si Pacquiao na isang legend sa mundo ng boksing.
“Getting past Shawn Porter with the performance that I know I can put on against him, and then getting the fight that I want after that and that’s the Manny Pacquiao fight,” ani Spence kay ‘Pacman.
- Latest
