Debut album ni Maymay pinagsabay-sabay ang MV
May paandar na naman ang kampo nina Maymay Entrata sa debut album nito na #Maymay.
Sabay-sabay na itinampok ang music video ng kanyang mga kanta sa album gaya ng Toinks, Shanawa, Kabaduyan, Mahal Kita Kasi, at Pangarap sa YouTube channel.
Bongga dahil pinagpipiyestahan na ng kanyang fans ang mga official music videos nito dahil may kanya-kanyang kuwento sa mga nakakaaliw niyang single.
Hanga ang fans at proud kung paano pinagsabay-sabay ang MVs ng kanilang idol. Samantalang ang ibang singing artists ay paisa-isa lang ang MV. Pero si Maymay ay walang takot na inilatag agad lahat ang music videos ng kanyang limang kanta. Kaya kinarir din mga supporters ni Maymay na pataasin ang ranking ng mga singles.
Gaya ng Kabaduyan single na top 3 agad sa music chart ng MYX. Ganundin ang Shanawa na top 4 naman. Pati na rin sa MOR Daily Top 10 ay pinu-push ng fans ni Maymay ang kanyang mga single.
In fairness kay Maymay, walang itatapon sa kanyang mga kanta na patok sa mga masa niyang fans.
- Latest