Golden State hari ng Pacific Division

PORTLAND, Ore. – Nilakasan ang music sa locker room at naging masigla ang lahat, ngunit hindi sinobrahan ng Golden State ang pagdiriwang para sa pagsikwat sa una nilang division title sa loob ng 39 taon.

Hindi pa tapos sa kanilang misyon ang mga Warriors.

“We might be a little subdued, but I think everybody is proud of what we’ve done. We still have 11 games left to keep getting better so I think everybody is focused on that,’’ sabi ni guard Stephen Curry. “But I think everybody is pretty happy right now.’’

Naglista si Curry ng 33 points at 10 assists para pangunahan ang Warriors sa 122-108 paggiba sa Portland Trail Blazers.

Kumamada si Andre Iguodala ng 21 points para sa Warriors, nakamit ang kanilang pang-pitong sunod na panalo para sa NBA-best record na 58-13.

Hindi pa nanalo ang Golden State ng Pacific Division crown sapul noong 1975-76 season kung saan nakuha nila ang NBA championship.

Matapos ang laro, maraming players ang nagsuot ng T-shirts na may nakasulat na “Pacific Claimed.’’

May komportableng bentahe sa second-place ang Memphis Grizzlies sa Western Conference, isang laro lamang ang naipatalo ng Warriors sa kanilang huling 12 laro.

“Golden State is a terrific team,’’ ani Bla-zers coach Terry Stotts. “They’re solid on both ends of the court and they showed that. They were very good all night. They passed the ball well - they had 30 assists after three quarters and 37 for the game. They kind of put on a clinic as far as how to share the ball.’’

Tumipa si Damian Lillard ng 29 points sa panig ng Blazers, nalasap ang kanilang pang-limang dikit na kamalasan. Sa kabila nito, nanatili pa rin sa itaas ang Portland sa Northwest Division, limang laro ang kalama-ngan sa Oklahoma City.

Naglaro ang Blazers na wala sina All-Star LaMarcus Aldridge, may left index finger sprain at starting forward Nicolas Batum. Si backup center Chris Kaman ay may right shoulder strain.