Para maibalik ang kumpiyansa sa sarili: Pakikipagkita sa pamilya nakatulong kay Gary David

MANILA, Philippines - Ilang oras na paghi­ga sa kanilang tahanan ka­sa­ma ang kanyang may­ba­hay at mga anak na hin­di niya naramdaman ma­higit isang linggo na ang nakatulong pa­ra bu­malik sa dating sa­rili si Ga­ry David.

Mula Hulyo 29 ay hin­­di na umuwi si David ka­sama ang ibang ka­sa­pi ng Gilas Pilipinas pa­ra ituon lamang ang isi­­pan sa kampanya sa 27th FIBA-Asia Men’s Championships.

Nagkikita pa rin ang pamilyang David sa laro sa Mall of Asia Arena pe­ro iba ang pakiramdam ng batikang shooter na naglalaro sa Globalport sa PBA.

“Simula July 29 hin­di na ako nakauwi ng ba­hay,” wika ni David. “Nag­kikita-kita na lang ka­mi dito kapag laro pe­ro iba siyempre ang at­mosphere kapag nasa ba­hay ka.”

Nawala ang shoo­ting niya kaya’t bago is­i­na­ga­wa ang mahalagang laban kontra sa Ka­zakhs­tan sa knockout quarterfinals noong Bi­yernes ng gabi ay pi­na­yagan munang sumaglit sa kanilang bahay si Da­vid.

“Nakatulog ako ng isa o dalawang oras sa kama, nakasama ko ang mga anak at asawa ko bago ako bumalik ng hotel. Nakatulong ta­laga ito sa akin,” sabi ng dating manlalaro ng Ly­ceum Pirates.

Nag-iba nga ang kilos ni David dahil sa knockout game kontra sa Kazakhstan ay nag­pasabog siya ng 22 pun­tos mula sa 7-of-11 fieldgoal shoo­ting tampok ang apat na tres pa­ra pa­munuan ang 88-58 do­minanteng panalo na nag­lagay sa Pilipinas sa Fi­nal Four.

Pinasalamatan niya ang suporta ng mga ka­samahan sa Gilas dahil hindi nawala ang ka­nilang tiwala na maka­ka­balik siya sa kanyang da­ting porma.

Malaking pasasala­mat din ang ipinaaabot ni David sa mga Pilipi­no fans na nanonood ng laro na walang sawang isinisigaw ang kanyang pa­ngalan na nagpapata­as lalo ng kanyang kum­piyansa.

“Iba talaga ang paki­ramdam dahil buong ba­­yan na nanonood sa MOA ang sumusuporta sa akin. Sa inter-ba­rangay ko lamang nara­n­a­san na isinisigaw ang pa­­ngalan ko pero iba ito da­hil lahat tsini-cheer ako at binubuo nila ang kump­iyansa ko,” pali­wa­nag ni David.