Metta World Peace out sa Game 4

SANTA MONICA, California – Sa hinaharap na 0-3 deficit laban sa mainit na San Antonio Spurs, posibleng matapos na ang laban ng Los Ange-les Lakers bago maubos ang kanilang mga players.

Sinabi ni coach Mike D’Antoni na hindi lalaro si Metta World Peace sa Game 4 ng kanilang first-round series nitong Linggo sa tangka ng Lakers na makaiwas sa maagang pagkakasibak sa playoffs.

Mahirap itong gawin kung ang kanilang starting line-up ay ang mga tulad nina Earl Clark, Andrew Goudelock at Darius Morris laban kina Tim Duncan, Tony Parker at iba pang playoff-tested Spurs.

Sa likod ng sitwasyong ito ng Lakers na inasahang magiging palaban sa titulo bago magsimula ang season ngunit nakakadismaya ang kanilang naging kampanya, naging optimistiko pa rin ang koponan.

“Despite all the injuries, as a team we’ve stayed together,” sabi ni Dwight Howard na eligible na sa free agency pagkatapos ng season. “When most teams would fall apart and blame each other and point a finger, we’ve stayed together, become a closer team throughout all the adversity.”

Ipinalasap ng San Antonio sa Lakers ang kanilang pinakamasamang pagkatalo sa  home playoff game sa kanilang franchise history noong Game 3.

“Hopefully we can close this series out on Sunday and give our team some time to rest, get eve-rybody healthy again,” sabi ni Duncan pagkatapos ng practice sa Santa Monica Community College.

Mayroon ding mga players ang Spurs na may injury.  Si starting center Tiago Splitter ay napu-wersang left ankle sa Game 3, si Boris Diaw ay hindi pa magaling sa kanyang injury sa likod.

Bagamat hindi naman gaanong umiiskor si Splitter, malaking bagay ang kanyang pagdedepensa kina Howard at Pau Gasol.

“I think it’s very important for us as a team to finish (Sunday),” sabi ni Parker. “Especially with Tiago being hurt now, and waiting for Boris to get back - me, Manu (Ginobili), T.D., we can always use some rest.”