NCR gymnasts humakot ng 16 ginto

MANILA, Philippines - Humataw ang mga gym­nasts ng National Ca­pital Region para tulungan ang delegasyon na pangu­nahan ang paramihan ng ginto sa idinadaos na 2013 Palarong Pambansa sa Dumaguete City, Negros Oriental.

Ang NCR ay kumub­ra ng 16 ginto upang trang­ku­han ang 33 ginto na kinubra na ng delegasyon matapos ang tatlong araw ng kompetisyon.

Si Regine Reynoso ang siyang nangunguna sa NCR matapos makakuha ng apat na ginto sa all-around (38.375), horse vault (12.513) at floor exer­cise (13.05) bukod sa team gold (108.724) sa secondary girls Wo­men’s Ar­tistic Gymnastics.

Nagwagi rin sina John Ivan Cruz sa elementary boys, Car­los Edriel Yulo sa se­condary boys at sina Gi­an Alexis Bernate sa ele­­mentary girls.

Nagpapasikat din ang NCR sa archery sa nali­kom na dalawang ginto ga­ling kay Luis Gabriel Mo­reno sa 30m (341) at 40m (332) distansya.

Nanalo ang Big Ci­ty sa secondary girls at ele­mentary boys lawn tennis bukod sa secondary at ele­mentary girls badminton.

Ang NCR ang nangu­na sa overall me­dal tally sa 33 ginto, 20 pilak at 11 bronze medals.