Thunder diretso sa ika-2 sunod

OKLAHOMA CITY — Kumamada si Jalen Williams ng 21 points at kumolekta si Chet Holmgren ng 12 points at 17 rebounds sa 96-84 paggiba ng Thunder sa Denver Nuggets.

Tumapos si Shai Gilgeous-Alexander na may 17 points mula sa malamyang 6-of-19 field goal shooting para sa 2-0 marka ng Thunder.

Mintis ang unang pitong tira ng two-time reigning MVP sa unang 24 minuto ng laro kung saan naiwanan ang host team sa isang nine-point deficit.

Ang dalawang free throws ni Gilgeous-Alexander ang nagpasimula sa kanyang pananalasa.

Umiskor si Aaron Gordon ng 20 points at may tig-13 markers sina Nikola Jokic at DeMar DeRozan para sa unang laro ng Nuggets.

Sa Philadelphia, nagbagsak si Tyrese Maxey ng 32 points at may 24 markers si Joel Embiid para tulungan si LeBron James at ang 76ers na burahin ang isang 29-point deficit at resbakan ang Cleveland Cavaliers, 114-106.

Naglista si James ng 17 points at 10 rebounds sa pinakamalaking comeback win sa kanyang career, habang may 21 markers si Jaylen Brown para sa 2-0 record ng Philadelphia.

Bumira si Donovan Mitchell ng 32 points sa kabiguan ng Cleveland sa kanilang season opener.