Oklahoma City tagumpay sa Rudy Gay-less Memphis
OKLAHOMA CITY , Philippines -- Sa kabila ng pagkainis ni All-Star point guard Russell Westbrook sa kanyang mga kakampi sa third quarter, tinalo pa rin ng Oklahoma City ang Memphis Grizzlies, 106-89, noong Huwebes ng gabi.
Nang matawagan si Westbrook ng turnover dahil sa pagbabantay sa kanya ni Jerryd Bayless ng 5-se-cond violation, sinisi niya ang mga kakamping sina Thabo Sefolosha at Kevin Durant.
Sinigawan din niya ang kanilang head coach na si Scott Brooks sa bench. Ibinangko ni Brooks si Westbrook sa loob ng 8 minuto bago niya ito ipinasok sa pagsisimula ng fourth quarter.
“It was a disagreement,’’ ani Durant. “This is the game of basketball. You have so many different emotions on one team. You’re going to have disagreements. It wasn’t the first. It’s not going to be the last.â€
Tinalo ng Thunder ang Grizzlies, naiwanan ng 26 puntos sa halftime, na naglaro nang wala na si top scorer Rudy Gay na kanilang ipinamigay sa pamamagitan ng trade.
Sa labanan ng NBA title contenders ng Western Conference, umangat ang Thunder sa 35-11 habang malaking katanungan ngayon kung magiging palaban pa ang Grizzlies na bumagsak sa 29-16 ngayong wala na si Gay.
Pinangunahan ni Durant ang Thunder sa kanyang tinapos na 27-puntos.
- Latest
