Firefly, #1 movie sa Prime Video Philippines

Wala pang 24 hours matapos i-release sa Prime Video noong April 30, nasungkit na agad ng award-winning GMA Public Affairs at GMA Pictures film na Firefly ang #1 spot sa nasabing streaming platform.

Ang pelikulang ito ay pinagbibidahan ng award-winning actress na si Alessandra de Rossi at Kapuso child star na si Euwenn Mikaell na parehong nag-uwi ng awards mula sa kanilang memorable roles sa pelikula.

Mapapanood din dito sina Kapuso stars Miguel Tanfelix, Ysabel Ortega, Max Collins, at Kapuso Primetime King Dingdong Dantes. Kasama rin sa pelikula sina Yayo Aguila, Cherry Pie Picache, at Epy Quizon.

Matatandaang pinalabas din sa mga sinehan sa US, United Arab Emirates, at Canada ang pelikula.

Kamakailan din ay ni-launch na ang storybook version ng Firefly na isinulat ng renowned kids’ storybook writer na si Augie Rivera at illustrated by Aldy Aguirre. Dinagsa nga ang Firefly Storybook Signing sa Philippine Book Festival nitong April 27 kung saan nagkaroon ng pagkakataon ang mga dumalo na magpapirma ng Firefly book nila kay Euwenn, Augie, Aldy, at Firefly story creator Angeli Atienza.