Kim at Paulo, parang ‘mag-asawa’ sa taping

Fans sobra ang kilig

Tagos ang kilig sa tambalan nina Paulo Avelino and Kim Chiu sa What’s Wrong with Secretary Kim.

Lalo na nung ibuko ni Pepe Herrera na parang mag-asawa raw ‘yung dalawa sa set.

“At kung sasabihin nilang matagal na sila, maniniwala kami. Sobra talaga kaming kinikilig sa kanila,” chika ni Pepe sabay promote ng musical play ng Parokya ni Edgar kung saan siya kasama sa cast.

Kaya talagang wagas ang tilian ng mga andun sa Gateway 2 kahapon kung saan ginanap ang presscon.

Ang ginawa pa ni Pepe ay pinag-holding hands sila kaya lalong kinilig ang lahat.

Grabe rin ang reaction nang sabihin ni Paulo na si Kim talaga ang nagse-set ng tone sa taping nila

“’Pag high energy si Kim, siya talaga ‘yung nagse-set ng tone nung set, lahat ng tao energized din. So parang ngayon lang ako nakakita ng taong ganun na kayang i-set ‘yung energy level ng set,” sabi ni Paulo.

Produced by Dreamscape Entertainment, directed by Chad V. Vidanes, streaming na ito beginning March 18, on Viu!