Lima ka tuig nga kaminyoon
CEBU, Philippines — Gipabuhagay ni Justin Bieber ang nagka-grabe niya nga paghigugma ngadto sa iyang kapikas sa kinabuhi nga si Hailey atol sa ikalimang anibersaryo sa ilang kaminyoon.
“To the most precious, my beloved. 5 years. You have captivated my heart. I know from the depths of my soul down to my bones that this journey with you will only exceed our wildest expectations. So let’s keep dreaming big baby. Cheers to forever and ever. I love you with every fiber of my being,” suma pa sa IG post ni Justin.
Samtang ang tubag Hailey alang kang Justin kay nagkanayon, “5. I love you.”
Kahinumdoman nga gikasal sila si Justin ug Hailey didto sa New York niadtong September 2018. —Sanden J. Anadia
Maricel sa Paraiso
Mokulbahinam og samot ang ABS-CBN-TV5 series nga “Pira-Pirasong Paraiso” gumikan kay mosulod na ang karakter ni Maricel Soriano .Sa gipakita nga teaser released , gipaila ang "Diamond Star" isip Amanda, ang apohan sa Paraiso sisters. Ang maong teleserye kay gibitoonan nila ni Charlie Dizon, Alexa Ilacad, Loisa Andalio, ug Elisse Joson .
Kutob ra sa Miss International
Wala na’y plano si Bb. Pilipinas International 2021 Hannah Arnold nga mosalmoy og laing beauty pageant. Dunay nisugyot kaniya nga suwayan ang pag-apil sa Miss Universe Philippines apan final ang hukom ni Hannah nga mopahuway na sa maong butang. Kontento na si Hannah nga natuman na ang iyang pangandoy nga nga mahimong kabahin sa Miss International.
- Latest
