Mga lifestyle program ng ABS-CBN, mapapanood sa Asya sa discovery at Asian Food network
Mapapanood na rin sa abroad ang ilan sa mga lifestyle show ng Metro Channel na ipapalabas sa iba’t ibang bansa sa Asya sa international cable channels na Discovery Asia at Asian Food Network.
Sa deal ng ABS-CBN at Warner Bros. Discovery, mapapanood ang ilang programa ng Metro Channel, kabilang ang Beached, The Crawl, at Foodprints, sa Central at Southeast Asia.
Tampok sa Beached nina Marc Nelson at Maggie Wilson ang ganda ng ilang beach at island resort sa bansa at sa iba’t ibang dako ng mundo. Eere ang unang season nito sa Discovery Asia simula Oktubre 27.
Mapapanood din sa Asya ang foodie shows nitong The Crawl, na itinanghal din na National Winner sa 2022 Asian Academy Creative Awards, simula Nobyembre 9 at Foodprints ni Chef Sandy Daza sa Disyembre 14 sa Asian Food Network.
Ipapalabas din ang mga ito on-demand sa discovery+, na maaaring i-access sa website nito o sa official app nito sa iOS o Android devices.
Patuloy ring mapapanood ang Metro Channel dito sa Pinas sa SKYcable channel 52 (SD) pati channel 174 (HD), Cignal channel 69, at GSAT channel 70.
Nakapagbenta na ang ABS-CBN ng mahigit 50,000 hours ng content sa higit 50 na bansa abroad.
- Latest
