CEBU, Philippines — Rayna na sab ang Pinay sa usa ka international beauty pageant.
Kini human gikoronahan ang pambato sa Pilipinas nga si Maureen Montagne isip Miss Globe 2021 didto sa Albania niadtong Biyernes sa gabii (Sabado sa kadlawon dinhi sa Pilipinas).
Si Montagne ang ikatulong Pinay nga nakadaog sa maong titulo. Unang naangkon sa Pilipinas ang korona niadtong 2001, pinaagi ni Maricar Balagtas. Subli kining naangkon sa nasud niadtong 2015 diin si Ann Colis ang pambato sa Pilipinas.
Si Montagne ang ikaduhang Bb. Pilipinas queen nga nidaog og international title Sa nilabay nga semana, nakoronahan sab ang iyang ka batch nga si Cindy Obenita isip Miss Intercontinental didto sa Egypt.
Kwarentay nuwebe ka mga kandidata gikan sa lain laing mga nasud ang gipilde ni Montagne.
Napili nga first runner-up si Miss Nigeria Ester Ogechi Gabriel, second runner-up si Melike Bali sa Turkey, 3rd runner-up si Jhosskaren Carrizo Smo sa Venezuela, ug 4th runner-up si Hailey Hamelin-Wilson sa Canada.
Ang final question nga maoy nagsilyo sa kadaugan ni Montagne nagkanayon: “Do you think beauty is a merit and how can we enrich it with other values?”
Litaniya ni Montagne: I think true beauty comes from within. To be a Miss Globe is to be a beauty that inspires.
"What makes us beautiful is our smiles, what we do for our community, it’s how we give back to others, and it’s how we carry ourselves through lives.
“I believe that everyone has beauty inside of them, and I believe it’s our duty to share it with the world and to give back and to truly inspire others.”
Dili na bag-o si Montagne sa natad sa international beauty pageant sanglit siya ang pambato sa nasud sa Miss Eco International 2019 didto sa Egypt.
Napili siya nga first runner-up ni Miss Peru Suheyn Cipriani. Namabdos si Cipriani busa gibawian og korona. Si Montagne unta ang hulip apan nibalibad siya kay mangandam na matud pa siya alang sa Bb. Pilipinas 2020, nga gumikan sa pandemya, karong tuiga lamang napahigayon.
Klaro man
Si John Lloyd Cruz ang nisantop sa hunahuna sa netizens human nilugwa ang teaser ad sa GMA7 kagahapon sa tungang gabii mahitungod sa aktor nga malipayon matud pa nga mobalik sa Kapuso Network. Mapahiyomong baba lamang ang gipakita diin hingpit matud pa kining ipaila sa umaabot Martes. Nasayran nga nalakip si John Lloyd sa "Sumalangit Nawa" episode Kakabakaba, ang horror fantasy series sa GMA-7, duha ka mga dekada na ang nilabay.
Dili mobiya
"Meron (offer), even prior to the pandemic, prior to the shutdown. Pero kasi ang lagi kong sinasabi, nasa punto na ako ng buhay ko na kung ano yung na-establish kong relationship, mas importante kasi sa akin yun eh, yung pera kikitain mo yan. Kilala niyo naman ako kung paano sa pera. Pero hindi kasi yun yung main goal ko sa trabahong ito. Ayoko ng magsimula ng bagong relationship because I feel like I was able to establish a good relationship with people that I’ve worked with for the past 15 years. And ang hirap ulit magsimula, that’s number one." Kini suma pa ni Enchong Dee atol sa presscon para sa MMK episode kagabii diin siya ang bida. Ikaduhang hinungdan mao nga buot niyang mamahimong business tycoon, busa wala sa iyang tinguha ang mobalhin og network. Ikatulo mao nga feeling niya, gikinahanglan siya sa ABS-CBN.
"Love Is Color Blind"
Trending ang mga hulagway nila ni Donny Pangilinan ug Belle Mariano nga ilang gi-upload sa tagsa tagsa nila ka IG account niadtong Biyernes, diin nakaangkon kini og gatusan ka libo nga reactions. Ang maong mga hulagway nagsilbi nga teaser sa ilang umaabot nga pelikula ubos sa Star Cinema nga mag-ulohan og "Love Is Color Blind". Labing una kining pelikula para sa nagkasikat nila nga loveteam, nunot usab sa kalampusan sa iWantTFC series He's Into Her.