Piolo, mura’g mosunod

Gumikan sa maong taho, daghang ang nagtuo nga mobalik pud sa GMA7 si Piolo Pascual sanglit suod gyud siya ngadto nila ni Mr. M ug Ms. Mariole isip usa sa mga labing dagko nga talents sa Star Magic kaniadto.

Yes, kun mahitabo kana, mobalik sa GMA7 si Piolo ug dili matawag nga nibalhin. Kini kay sa Kapuso Network siya unang nilugwa kaniadto isip sakop sa That’s Entertainment ni anhing German “Kuya Germs” Moreno.

Pagpanamilit sa ere sa That’s Entertainment niadtong 1996, nitabok sa ABS-CBN si Piolo pagka sunod tuig isip leading man ni Judy Ann Santos sa teleserye nga Esperanza nga nilungtad og duha ka tuig (1997-1999).