“Who are you?”

Nabiktima og “who are you?” question si Katya Santos sa usa ka kanhi Pinoy Big Brother housemate mga duha ka tuig na ang nilabay. Wala nakaila niya ang young star, ug gi-head to foot pa siya niini.Pwes, wala tubaga ni Katya ang young star ug igo lang iyang gitutukan. Tambag niya sa mga young star nga motagad ug mangatahuron kun aduna na silay mahibalag nga wala nila mailhi, bisan pa og dili artista. Hinuon niya pa, aron walay samok siya na mismo ang mopaila sa iyang kaugalingon kay basin pud og mauwaw lang ang young stars karon nga motagad sa mga senior or veteran stars.  Si Katya, kanhi child actress ug mas naila kaniadto isip sakop sa sikat nga girl group nga mao ang Viva Hotbabes.

Happy sa Australia

Malipayon na nga nanimuyo sa Canberra, Australia ang Kapuso actress ug kanhi beauty queen nga si Rich Asuncion kauban ang iyang bana nga si Benjamin Brudie ug two-year old daughter nga si Bela Brie. Sa exclusive interview sa PEP niya, gitug-an ni Rich nga nagtrabaho siya sa usa ka day care center ug nag-part time sab siya isip waitress. Kasamtangan siyang nagtungha og Child Learning course. Gimingaw siya sa showbiz, apan mga tulo ka tuig pa niya pa sila nga magbase didto sa Australia.

Apil gihapon sa Book 2

Giklaro ni direk Perci Intalan nga wala tangtanga si Julia Clarete sa Paano Ang Pasko? Cristmaserye sa TV5. Suma pa ni Intalan nga kutob ra gyud sa book 1 ang nasabutan nila pero malakip gihapon matud pa ang aktres sa book 2 sunod tuig. Niya pa, dili tinuod nga gitangtang kay nagpadugang og talent fee ang aktres. Ang tsika gyud mao nga molarga si Julia busa giuna ang iyang mga eksena og human tanan.