Juan Karlos Labajo todo pamalikas
CEBU, Philippines – Trending karon ang video sa singer nga si Juan Karlos Labajo kun diin gibalikas niya ang usa niya ka fan atol sa usa ka music festival kun diin nitukar ang iyang banda,
Giingong nilenggua ang maong fan og “I love you Darren!” butang nga wala mahimuot si JK nga niresulta sa iyang pagpamalikas.
Kahinumdoman nga nakaaway ni JK si Darren Espanto kaniadto hinungdan nga dili siya ganahan makadungog sa pangalan niini.
“P***ng in* mo! Tigilan mo na yan, ayoko nang marinig yang pangalan na yan nakakabwisit,” tipik sa linya ni JK.
Apan nigara ang iyang fan hinungdan nilenggua napud si JK og ,” “Ikaw yung p***ng in*ng sigaw ng sigaw, kanina ka pa. Kayo nga pala ang mabait na audience, puwera ikaw p***ng in* mo.”
Pia Wurtzbach na-starstruck kang Brie Larson
Wala magdahom si Miss Universe 2015 Pia Wurtzbach nga maka-interview kang Captain Marvel star Brie Larson.
Nasayran nga na-starstruck gyud ang beauty queen kang Brie.
, “I just want to pinch myself.She is so, so cool, so gorgeous. I can’t believe that just happened. I can’t wait to see her in action,” saysay pa ni Pia.
11 million followers na sa Instagram
Nagmaya si Anne Curtis gumikan kay niabot na og kapin sa 11 million followers ang iyang Instagram account.
Dako ang iyang pasalamat ngadto sa iyang fans nga wala gyud nibiya kaniya.
“Woke up to 11 Milli-ANNE followers! Thank you IG family! Here’s to even more travel photos, work posts, every day craziness and fun, killer workouts,” suma pa sa iyang IG post.
Hello Kitty pasok sa Hollywood film
Sa labing unang higayon, malakip sa usa ka Hollywood film ang 45 anyos nga cartoon character nga si Hello Kitty.
Ang Sanrio nga mao tigdumala ni Hello Kitty nipadayag nga makig-partner kanila ang New Line Cinema ug FlynnPictureCo. Matud pa nga gisugdan na ang pagplano niini .
Matud pa nga niabot og lima ka tuig ang diskusyon sa wala pa sila nakahukom nga himoan og pelikula si Hello Kitty.
Filipino dance group nauyonan ni Jennifer Lopez
Nakapuntos sa international singer nga si Jennifer Lopez ang usa ka Pinoy dance group nga ni-audition sa US edition sa “World of Dance.”
“You guys are honestly going to change the world and make it a better place,”saysay pa ni Jennifer nga usa sa mga hurado sa maong kompetisyon.
Ang maong grupo gitawag og VPeepz ug usa sa ilang tinguha mao ang pag- promote sa panaghiusa.
Natandog si Jennifer sa tinguha sa maong grupo busa nakaingon siya ,” This is why I have so much hope for the future of this world.”
Nakapasar sa audition ang maong grupo gumikan sa dakong grado nga nakuha nila gikan sa mga hurado.
- Latest
