Sarah at Matteo magka- ‘package na’

Ang kasintahang si Sarah Geronimo ang isa sa mga dahilan kung bakit lumipat si Matteo Guidicelli sa pamamahala ng Viva Ar­tists Agency.

Nakawalong taon din ang aktor sa Star Magic kaya aminadong nahirapan sa ginawang desisyon kamakailan. “Of course, Sarah is part of it also. This is one of the best decisions I’ve made, not just me, but my family also. We came to the conclusion that this is the best place for me. It wasn’t an easy decision but it was something very important for myself as an individual. Nagpapasalamat ako sa Star Magic talaga for all their effort, all their love, all their support. Without them I wouldn’t be here also,” makahulugang pahayag ni Matteo.

Nasa pangangalaga na ng Viva si Sarah mula nang manalo sa Star for a Night noong 2003 at kuntento naman daw ang Popstar dito. Para kay Matteo ay mas mabuti nang isa na lamang ang magdesisyon para sa mga plano sa kanilang career ni Sarah. “I was having discussion with Sarah also. We felt like it’s time that we’re in one boat together, one ship together, for our future together,” giit ng aktor.

Matatandaang nabanggit noon ni Matteo na ayaw nitong makasama ang Popstar Royalty sa mga proyektong ginagawa.

Ngayon ay posible na raw na magkatrabaho sa mga susunod na proyekto ang magkasintahan.

Batang anak ni Denise kumikita na sa YouTube

Sa murang edad ay mayroon ng sari­ling YouTube channel ang anak ni Denise Laurel na si Alejandro.

Pitong taong gulang pa lamang ang bata pero talagang sanay na sanay sa ginagawang toy reviews sa kanyang The Bukie Channel.

Ayon kay Denise ay marami pang kaabang-abang na gagawin ang kanyang anak kaya dapat itong pakaabangan ng subscribers sa mga susunod na linggo. “We are restar­ting his vlog this summer. Kasi ang hirap ‘pag may school. So we’re gonna do a second season which is just limited episodes. So for all the kids who are gonna be enjoying summer. And I’m gonna be launching my own channel also,” paglalahad ni Denise.

Tatlong taon pa lamang daw nang magsimula itong mahiligan ni Alejandro pero hindi naging pabor ang aktres noon. “When we started that YouTube channel, it’s really what he’s been asking for since three years old. Pero hindi ko muna ibinigay. Kasi I wanted him to practice and rethink what he wanted to talk about,” pagbabahagi ni Denise.

Kung sakaling kikita si Alejandro mula sa mga nagawang video blogs ay hindi hindi raw pakikialaman ng aktres ang sariling pera ng anak. “Actually we didn’t do it for money. We didn’t really think about money. But if he does make money out of it, he saves it for his future and put it in his own bank account,” pagtatapos ni Denise.      (Reports from JCC)