Mobalhin na gyud?

CEBU, Philippines — Daghan ang naintriga sa paglugwa ni Asia's Songbird Regine Velasquez sa  ABS-CBN Ball 2018 niadtong Sabado. Nikatap sa social media ang hulagway sa singer kauban ang ABS-CBN Chief Operating Officer for Broadcast Cory Vidanes  uban sa laing opisyal sa ABS-CBN, kuha kini  atol sa nahisgutang ball. Tungod niini, mas nidako ang pagduda sa publiko nga mobalhin  na gyud si Regine sa Kapamilya network.

#ABS-CBNBall2018 Winners

Gideklarang Stars of the Night ang loveteam nga silang Angelica Panganiban ug Carlo Aquino samtang nalangkat ni Maymay Entrata ang Belo Beautiful Star Award atol sa labing unang ABS-CBN Ball. Gideklara sab sa Metro magazine nga Best Dressed Female si Erich Gonzales samtang Best Dressed Male si Jericho Rosales. Ang ABS-CBN Ball 2018 kay namugna aron makatigom og  kwarta alang sa  Bantay Bata 163's Children's Village didto sa Norzagaray, Bulacan.

Nagpatambal sa Singapore

Nilarga si Kris Aquino didto sa Singapore  aron magpatambal sa iyang gihambin nga sakit. Sigon pa sa abugado ni Kris nga si Atty. Sig Fortun, nagkasakit ang Queen of All Media human nahibaw-an niini ang “financial abuse and betrayal” sa iyang kanhi mga kaubanan sa KCAP. Gilihok na sab sa kampo ni Kris ang pag-file og kaso ngadto sa nanglimbong kaniya.

Pasagdan na lang

Mihangyo si Carl Pempengco ngadto sa iyang inahan nga si Raquel nga dili na lang patulan ang iyang igsoon nga si Jake Zyrus nunot sa bag-ong pasangil niini ngadto sa ilang inahan."Hayaan na lang natin siya. Family is inevitable di nya pwedeng gawin to forever," pasabot pa niya ngadto sa inahang si Raquel.

Nirampa nga solo

Bisan nga wala sila'y pares, wala sipyata sa ubang Kapamilya Celebrities ang pagrampa sa red carpet atol sa ABS-CBN Ball 2018 niadtong Sabado didto sa Makati Shangri-La hotel. Pipila kanila nga nitungha nga solo mao silang Angel Locsin, Janella Salvador, Maja Salvador, Erich Gonzales, Yassi Pressman, Piolo Pascual ug uban pa.

Baby boy

Nanganak na ang beauty queen nga si Shamcey Supsup kagahapon sa buntag ug usa kini ka lalaki nga ginganlan nila og Peter Nathan ug dunay  nickname nga Peanut. Si baby Peanut maoy ikaduhang anak nilang Shamcey ug Lloyd Lee.

Congratulations!

Nakalangkat og Special Jury Prize sa San Sebastian International Film Festival didto sa Spain ang bag-ong pelikula ni Brillante Mendoza nga "Alpha, The Right to Kill". Ang maong pelikula nagpakita sa pakigbatok sa Philippine Government sa illegal nga drugas. Kahinumduman nga niadtong 2016 kay nalakip sab isip official entry sa Cannes Film Festival ang pelikula ni Brilliante nga "Ma' Rosa."

Gihangop sa netizens

Hingpit na nga gipagawas sa Star Cinema ang traileQo, ang First Love nga gibidahan nilang Bea Alonzo ug Aga Muhlach. Ang maong estorya nagtuyok nilang Nick (Aga) kinsa nakaila si Ali (Bea) nga may sakit sa kasing-kasing ug nanginahanglan og heart transplant aron mabuhi og dugay. Ang maong pelikula kay ubos sa direksyon ni Paul Soriano ug gikatakdang ipasalida karong October 17.

Init ang pagdawat

Gibutyag sa Asia's Next Top Model 2017 winner Maureen Wroblewitz nga mainiton kaayo ang pagdawat kaniya sa tanang Dabarkads isip bag-ong host sa noontime show nga Eat Bulaga! Usa sa iyang gikahimut-an mao si  Ryzza Mae Dizon. "Ryzza is really, really nice and sweet; and she's teaching me Tagalog. So, yeah, we've been bonding already," sigon pa niini.

Giawitan ang inahan

Nahimong emosyonal ang aktres nga si KC Concepcion sa dihang gikantahan niya ang inahan nga si Sharon Cuneta atol sa 40th anniversary concert niini didto sa Smart Araneta Coliseum niadtong Biyernes sa gabii. Giawit ni KC ang kantang 'If I Could'. "This song in particular has been one you’ve been singing to me since I was 7 years old... I can’t believe that tonight, I got to sing this song not just alongside you - but FOR you," tipik sa pamahayag niini.

Humble gihapon

Taliwala sa kalamposan niini isip usa sa mainpluwensiyadong  celebrity kalabot sa fashion industry, nagpabiling mapaubsanon kanunay ang Kapuso star Heart Evangelista. "Ako I never demand. Like kunwari 'yung mga damit you expect na parang sa akin lahat 'yon, no. But really most of the time binibihisan ako, kunwari like here for Carolina Herrera... so nakakatuwa,"sigon pa niini.