Pasingit kang Kris?

CEBU, Philippines – Kon makadawat og imbitasyon, andam  mahimong ninang  si  Korina Sanchez  sa  ikaduhang anak nila ni James Yap ug  Michela Cazzola .

“Tatanggapin ko,” mao kini ang iyang tubag sa gipangutana siya sa PEP kalabot niini.

Kahinumdoman nga nalambigit si Korina sa panagbangi nila ni James ug sa kanhi asawa niini nga si Kris Aquino human niya gi-feature sa Rated K  ang kanhi basketball star.

Puwerting sukoa  ni Kris  sa gibuhat ni Korina  ug  nisumbalik kini sa maayo niyang gibuhat partikular ang pagtabang niya sa kampanya sa bana niini nga si Mar Roxas nga nidagan pagka-presidente niadtong 2016.

Nadine napungot sa fake fans

Bisan unsaon og kontrol ni Nadine Lustre ang iyang gibati, apan dili  gihapon kaantos   ug  pikhan gyud niya ang mga tawo nga kanunay mosaway sa relasyon nila ni James Reid.

Matud pa niya nga duna sila’y gitawag nga “fake fans” ug wala gyud kini kuna sa mga social media account nila ni James.

“To all the confused/Hot and Cold/fake fans, here’s the door.We don’t need your bs here,”  suma pa sa Instagram post ni Nadine.

Gipasalamatan ni Nadine  ang tinud-anay niya nga fans nga wala gyud mobiya kanila ni James.

“To all of our real supporters, we appreciate you all.Thank you for showing nothing but love and positivity not only to this fandom, but the others as well,” dugang pa niya.

Moira mipahilak sa fan

Nagbaha gyud ang fans  ni  Moira dela Torra  sa Dubai ug gikagubtan gyud siya og maayo sa pagtikang niya sa maong dapot.

Atol sa iyang school tour sa Dubai,  usa niya ka fan ang nihilak og maayo samtang nigakos kaniya  tungod sa kalipay nga nakakita siya sa iyang idolo.

Nihilak usab kini gumikan kay dili siya makakita sa concert ni  Moira gumikan kay  panahon man sa ilang examination.

Nag-concert kagabii si Moira sa World Trade Center sa  Dubai.   Si Moira maoy nagpasikat sa awit nga Tibo-Tibo , Tagpuan,  ug  Malaya. (Sanden J. Anadia)

Sexy body ni Bela

Gipamatud-an ni Bela Padilla nga  naa gyuy saktong kurbada ang iyang lawas  sukwahi sa mga mensahe nga iyang nadawat gikan sa iyang bashers.

Sa digital issue sa Preview Magazine,  nilutaw  gyud ang ka-sexy  sa aktres.

Una na nga gibutyag ni Bela nga dili gyud siya magpaapekto sa  mga tawong nanaway sa porma sa iyang lawas.  

Inspirasyon ni zanjoe?

Nikisaw karon sa social media   ang tsika nga matud pa  duna’y bag-ong inspirasyon  ang aktor nga si  Zanjoe Marudo.

Nitumaw ang pangalan sa surfer-blogger nga si  Josie  Prendergast nga matud pa maoy nagpapitik karon sa kasing-kasing  ni Zanjoe.

Kever ra ang duha sa maong tsismis ug wala gyud sila mohatag og komento kalabot niini.

Una na nga gibutyag  ni Zanjoe nga dili gyud mahibaw-an ang panahon  kung kanus-a maabot ang tawo nga mahimo niya nga inspirasyon.