Richard ekslusibo na sa ABS-CBN

CEBU, Philippines – Mipirma  na  kagahapon  og  duha ka tuig nga exclusive contract  sa ABS-CBN ang  aktor nga si  Richard Guttierez.

Gawas kang Annabelle Rama, gihuptan na usab karon sa Star Magic ang  career  ni  Richard.

“I am very excited and very thankful for the trust and the opportunities that will come my way as a Kapamilya,” mensahe pa ni Richard nga namantala sa showbiz website nga PUSH.

Kahinumdoman nga 10 ka tuig  naglawig ang career  ni Richard sa GMA-7 kaniadto ug nilugwa dayon kini sa TV5   ug nitikang dayon sa ABS-CBN  alang sa special appearance sa  pantaserye nila ni  Kathryn Bernardo ug  Daniel Padilla nga La Luna  Sangre.

Una na nga gibutyag sa aktor nga malipayon kaayo siya sa  paghangop sa Kapamilya stars sa pag-abot niya sa maong network.

Nahimuot usab siya og maayo sa dihang nakatrabaho niya sa La Luna Sangre ang kanhi niya ka-loveteam nga si  Angel Locsin.

Nasayran nga gawas sa mga  show niya sa ABS-CBN , aduna pud siya’y   movie project sa Star Cinema.