Kris malabo nang maging presidente!
Mukhang kinakailangan nang tanggapin ni Kris Aquino ang tuluyang pagkawala niya sa TV. Malabung-malabo na ang magtrabaho siya sa GMA dahil hindi nila sinasamantala ang pagkainip ng mga followers ni Kris na makita siyang muli.
Pinapayuhan na lamang siya na manatili sa kanyang bakasyon. Paano na ang sinasabing pagtakbo niya sa susunod na halalan kung wala siyang programa para hindi siya mawala sa isip ng publiko?
Kiko tinalo pa sina Rafael at Rhian sa raket
Malaki ang nagawa ng Sinungaling Mong Puso sa karera ni Kiko Estrada. Inamin nitong hindi lamang sa pag-arte siya na-challenge lalo na nina Rafael Rosell at Rhian Ramos kundi maging sa pangangatawan. Kinailangan niyang pumantay sa physique ng dalawang mas matagal nang artista. Ngayon, may abs na rin siya tulad ni Rafael. Hindi na siya nalalayo rito dahil matangkad din siya at maraming workshop na pinagdaanan.
Hindi rin muna siya makapagpapahinga dahil mayroon siyang dalawang indie movies na ginagawa. Nasa final week na ang Sinungaliang Mong Puso.
Raymond nabigyan ng big break sa international TV
Sayang kung masa-sidetrack si Isabelle Daza ng reality show niyang It Girls kung saan ay kasama niya ang mga BFF na sina Georgina Wilson, Solenn Heussaff, at Liz Uy. Mapapanood ito sa E! Channel kung saan magpapakita sa buhay at mga gawain nila bilang celebrities. Magsisilbing direktor ng show si Raymond Gutierrez. Malaking break ito sa kakambal ni Richard Gutierrez na isang magaling na host at hindi makakaapekto sa reality show ng pamilya niya ang ididirek niyang programa.
Makakasama rin sa show ang asawa nina Solenn, Isabelle, at Georgina, ganundin si Gloria Diaz at Erwan Heussaff.
- Latest
