Walang halong inggit nang sabihin ni Lala Aunor na mas magaling na singer/performer sa kanya ang anak na si Marion. Nag-front act ang anak niya sa OPM Hitmen concert nina Richard Reynoso, Rannie Raymundo, Chad Borja, at Renz Verano. At kinabog ng dalaga ang galing sa pagpi-perform ang apat na beteranong singer.
Natuwa si Lala sa anak niya dahil improvement ito ng lahi niya. Maraming artista ang hindi sinundan ng mga anak nila ang bakas nila, kaya masuwerte siya.
Kahit walang magarbong papremyo, mga Christmas party puwede pa rin maging masaya
Napatunayan ng movie press na hindi lang sa rami ng papremyo at sa laki ng mga ito nakasalalay ang saya ng isang Christmas party.
Sa pa-party na ibinigay ng maraming kumpanya sa TV at pelikula, may ilang kinagiliwan sila dahil nakita nila ang sinseridad ng mga nagpa-party. Umuwi mang luhaan ang marami sa kanila, still masaya ang mga ito dahil nag-enjoy sila.
Kaya kayong magbibigay ng party, laging isaisip na hindi lang pera ang magpapasaya sa bibigyan n’yo. Mapasaya n’yo lang ang pagsasama-sama nila, okay na.