CEBU, Philippines - Aron sa pag-update sa kompanya sa latest trends sa health, beauty, ug tourism fashion, mitambong si Psalmstre ug Creworks Asia CEO Jim Acosta sa usa ka semana nga Hong Kong Fashion Week for Summer and Spring 2013 dili pa lang dugay. Ang maong labing dakong fashion event ubos sa pagdumala sa Hong Kong Trade Development Council ug gipahigayon didto sa Hong Kong Convention and Exhibition Center.
Ang Hong Kong fashion week mao ang world’s second largest ug Asia’s largest fashion event. Kini nunot sa pag-ila sa Hong Kong nga “shoppers’ paradise of Asia†tungod sa paspas ug makanunayong pagtubo sa ekonomiya, barato ug nagbaha nga mga fashion wears ug accessories, ug lamiang mga pagkaon. Dunay 1,268 ka mga exhibitors nga gikan pa sa 20 ka mga nasud ug rehiyon ang misalmot.
Tuyo usab sa batan-ong president ang pagkaplag sa mga bag-ong business-partner prospect aron sa pagpalapad sa merkado sa Psalmstre beauty products. Taud-taod na usab ang presensya sa New Placenta, Olive-C, ug Glutamin didto sa Hong Kong. Maoy gitinguha niini nga mapadak-an pa ug mas mahimo pang inila kining maong mga produkto sa kinatibuk-ang Asya. Sanglit ang Creworks Asia usa usab ka event-management company, gusto ni Acosta nga makat-onan ang bag-ong mga pamaagi sa pag-organize og mga kalihokan nga haum karong panahona.
Sa pagbalik ni Acosta dinhi sa Pilipinas, dala niya ang bag-ong mga kasayoran alang sa pagpalambo sa iyang mga produkto, gawas sa malaumong kahigayonan sa pagpirma sa kontrata alang sa posibleng business partnership sa umaabot kaubanan niyang mga business counterpart. Gilauman usab nga i-aplay niya ang nakat-unan sa Hong Kong event industry pinaagi sa pagpahigayon sa nasudnongMr. and Ms. Olive-C Campus Model nga anaa na sa ikaupat nga edisyon.