Bulkang Bulusan nagtala pa ng 21 pagyanig
MANILA, Philippines — Patuloy pa rin ang pag-aalburoto ng Bulkang Bulusan sa Sorsogon matapos makapagtala ito ng 21 volcanic earthquakes sa nakalipas na 24 oras.
Ayon sa Philippine Institute of Volcanology and Seismology (Phivolcs), bukod sa pagyanig ay nakapagtala rin ang bulkan ng pagluwa ng asupre na may 556 tonelada
Nagkaroon din ng katamtamang pagsingaw sa bulkan na may 100 metro ang taas patungong timog-kanluran at timog.
Ayon sa Phivolcs, patuloy ang pamamaga ng bulkan.
Bunga nito, pinagbabawal pa rin ang pagpasok ng sinumang indibiduwal sa Permanent Danger Zone (PDZ) at pagpasok nang walang pag-iingat sa 2-km Extended Danger Zone (EDZ) sa may timog-silangang bahagi ng bulkan.
Bawal din ang pagpapalipad ng anumang uri ng aircraft o sasakyang panghimpapawid malapit sa tuktok ng bulkan dulot ng inaasahang biglaang pagputok ng steam o phreatic explosions.
- Latest
