Navy officer tepok sa underwater training

CAVITE – Patay ang isang 26-anyos na trainee ng Philippine Navy nang malunod habang nagsasanay sa malalim na bahagi ng karagatan sa Marine Base Gregorio Lim, Kaynipa Grande, Brgy. Sapang 1, Ternate, ng lalawigang ito kamakalawa

Hindi na umabot pang buhay sa pagamutan ang biktima na nakilalang si Private Laurence Pabraquil Remontal, 26-anyos.

Sa imbestigasyon ni P/SMS Andres Agcaoili, may hawak ng kaso, kasalukuyan umanong nagsasa­gawa ng underwater knot tying ang biktima sa may 20 feet lalim ng karagatan nang mapansin ng instructor nito na may mga dugong lumalabas sa ilong nito at tila nangingisay ang biktima.

Agad na tinulungang iahon ang biktima at isinugod sa San Lorenzo Ruiz Hospital subalit ayon sa doktor na tumingin dito ay patay na ito dahil sa sob­rang pagkalunod.